浴火之旅 - 鳳凰浴火

坐完高鐵噩夢仍然未完，唔幫襯兜客阿嬸就畀人詛咒你今天都去不了，明明長途車站打燈顯示有車四點幾出發但你大大聲話呢度無車去鳳凰我真係好難信你喎阿姐。買到票都係在有車同無車之間改來改去，話送旅館又到後來話無得送，三條"茂利"就好似中咗鳳凰幻魔拳咁唔知真定假頭痛萬分見到全部虛幻景像。終於去到鳳凰但係依然重係以為幻魔拳的威力仍未消失，話明係古城點解係幻彩詠沱江？明明係古鎮點解一落車卡拉OK之聲就近在咫尺？翌日更發現古城工程處處據聞是亮化工程要加裝明亮射燈。有云鳳凰能浴火重生，但睇嚟呢隻鳳凰將不斷沐浴於加裝改建修飾亮化之烈火之中，相信重生無望了。