浴火之旅 - 假鳳虛凰

呢個世界﹝定係我應該話中國大陸﹞真係無個靠得住，從機場回到車站又畀大叔玩殘，好好心咁話介紹你一間可以訂到機票甚至火車票的酒店結果行九條街咁遠入到去等你畀完錢上咗房先話上網有問題，又要行返九條街咁遠出嚟自己再搵。去到國際級大酒店人地三兩下就查到真係無話可說，可惜你去櫃員機攞埋錢返去阿大嬸又話係查錯日子，結果點都係訂唔到明日的機票，快食個晚飯早回酒店諗住瞓個好覺，可惜酒店房門重係鎖同防盜鍊都壞真係唔到你唔扯火。諗住信下人點知原來隻隻都係沉船，第二日早早出發都係唔好靠人再問，自己坐車去高鐵站買票坐車好過。點知，真假難辨的說話依然全程都出現！