三國遊終 - 阿亨湖/大鐘山

在因斯布魯克見天氣稍為轉晴，馬上決定再上雪山，不過之前先到日前蒸汽火車會去的阿亨湖，因為在火車站見到海報中的湖景十分優美，但因時間關係亦都無夾到火車班次，自己駕車上去更直接了當同慳時間。之後上到雪山天氣驟晴驟暗，不過都可以見到冰川，只可惜同想像中差得較遠，全無氣勢可言，可幸是上山的景色都唔錯。但係就駕車令人覺得十分勞氣，之前在上比較斜的路段都覺得部車力水唔夠，加速又慢；而在上雪山一役終於令人對部車絕對失望，大部份路段要用二波行，又逢車畀人過車，有部份更要一波上斜，真係幾乎想落車自己行。由於上山花費好多時間，落山後再去其他城鎮都會好夜，唔想花時間諗去邊於是就直去薩爾斯堡呢個比較熟識的地方，起碼知道邊度有得食同邊條街有乜酒店。