三國遊終 - 格拉茲

其實呢個地方的景點都好集中，又係粗粗地半日行完，亦係因為前一晚食晚飯搵餐廳時都行咗一轉；其實呢招幾好，之前行過第二日可好快咁知道點行。剩半日時間，可以選擇的有：早少少起程去多個小鎮，或者早日返去維也納行埋未去的景點，又或者悠閑半日四圍逛；結果係選咗悠閑逛街。其實四圍咁行下都算係發掘一個地方的好方法，據在酒店攞到的指南講格拉茲係個文化美術之都，原來佢的主要呃遊客街道中真係有好多有少少藝術氣氛的店舖，賣好多把鬼的有特色小玩意，用嚟做手信真係好過在手信店買到的千篇一律的貨仔。最後出發前到河中的人工島咖啡廳嘆個下午茶，之後就返維也納還車再安排打點往捷克的行程。