三國遊終 - 哈修塔特

朝早去過幾個地方先出發到哈修塔特，去到都近中午；今次唔明點解友人同友人妻都唔係咁想在此地留宿，並無諗住到步後早少少搵酒店打點好泊車同住宿，寧願畀錢泊車行一轉先再決定。於是按介紹先遊鹽坑，本來見到每人要24歐元都覺得貴，不過咁遠去到又無理由乜都唔睇，結果都玩咗近兩個鐘發現真係值回票價。之後再到市內逛一圈，本來有間聽講話有特色的教堂想去下，不過結果都無去到；而想去的下一站格拉茲又要四個鐘車程，趁友人拍照時我係咁易問下幾間酒店發現都爆滿同幾貴，不過其實佢地真係無諗過要住，所以唔再周圍搵就再出發去下一站。算數啦，反正天氣都唔好，等下次再嚟先慢慢享受呢度的美景同住下湖邊小屋。