猛將

從第一滴血到一滴血都唔使流，可見巨星之路的確係好好走。其實睇得電影都知道主角永遠都係打不死，正如現實世界的遊戲有部份人係永遠都唔會中槍一樣；見怪不怪真係唔好同佢拗咁多。故事情節方面我好相信在真實世界中亦都會有更多比戲內更唔合理同更出人意表的事發生，見到件件老餅幾廿歲都走上走落擒高撻低你重想點？比起人地成套戲由頭解釋到尾都講你唔明點解會有夢中夢中夢中夢....呢套會唔會比較易接受呢。平時經常見到好多專業人士都聲威響震天，大家都力讚佢地幾咁叻幾咁勁真係堪稱猛將高手，可能工作行內太多人享負盛名，到真正有幸交手合作時就發現... "噓，猛將喎~ 高手喎~"。 所以轉頭諗返，搞咁多電腦特技不如睇下幾位阿叔打下拳頭交似乎重實在一啲。令人回想的一節係，到底係唔係救返一個無辜的人就可以抵償過往殺戳的罪孽，可以成為下半生的救贖？定係只係作為心靈上對自己的安慰？佛家說：放下屠刀，立地成佛；放下的一刻，我諗應該係完全的覺悟。