反斗奇兵

友人話睇兩次都覺得咁好睇，又話哂係大結局咁，結果終於走去睇；點知碰啱星期二有特價又重送埋3D立體眼鏡真係抵。
想當年第一集的時候係同同事一齊去睇，當時諗住係卡通片同預咗佢係細路仔戲，都無乜野期望；點知睇落又幾好睇，同到最後吹熄支火柴時真係忍唔住笑咗出嚟。 (諗返呢位同事佢後來知道我好鍾意唔鍾意走去鍾意隻彈弓狗之後重買隻嚟送畀我，真係多謝哂！雖然呢位朋友好多時都係講下就算，但佢都算幾有心同埋有偈傾，再多謝多一次。)
而呢一集睇完亦都覺得好好睇同幾感人，友人講得啱，真係唔係畀細路仔睇。迪士尼即係迪士尼，賺你錢之餘都會諗過度過計算好笑喊位過你。好似有一年過年同朋友去睇超能先生，結果都係意外地好睇過預期。我個人就鍾意呢類溫情片好過史力加之類咁多含意的卡通片，講咁深做乜啫？！