同歸於盡

傳媒經常有提及香港的核心價值，有話係法治精神，有話係公平的社會，有話係自由，有話係清廉，有話係人的拚搏精神；但在下就覺得係一個字 --- 盡。
以前香港人出名為賺錢開工加班做到盡，後來炒樓炒股等投機又搏到盡，大集團做生意又樣樣賺到盡，發展填海又係起到盡填到盡，做官的又貪又騙著數攞到盡，搞政治的又爛到盡虛偽到盡，有得鬧未搞清楚又群起鬧到盡，去玩的又要玩到盡，轆卡的又轆到盡...
其實樣樣野有無必要去到咁盡？為賺錢做到盡結果浪費了享受人生的時間，公司賺到盡結果影響商譽，發展到盡破壞了環境，總之凡事去到盡反而未必達到好結果。
又想起個書中引述的故事：企業家見到漁夫喜歡每日只捉幾條小魚，閒時只彈彈結他，覺得他浪費了寶貴的時間，於是就告訴他應該勤奮捕魚，賺到錢後多買幾條船增加收穫，然後成立企業去管理船隊及魚市場，到時就可以過好的生活；跟著漁夫就問企業家那時自己可以做甚麼，企業家說，那時你大可以每天只捉幾條小魚，有空還可以彈彈結他。