大家跟住唱

無謂的廣告計畫當然要包括無謂的贊助活動，無意中找到的表演場地無意的發現原來是眾人都去過的地方，無必要加設的小環節自然無必要擔心有無人參加，無寄望有熱烈反應的演出當然無寄望客戶會有一句半句多謝，無幾多人出席亦都無幾多野在現場要做。
不過未試過聽呢類演唱會又發現現場氣氛其實唔差，自由地走來走去飲住啤酒聽歌確係爽，無須手舞足蹈亦一樣自得其樂，行近台邊又可以觀摩一下人地係點樣打點樣彈，難得大家又唔介意夜嘛嘛加班，咪就當睇返場平日好少睇的演唱會。
開工，其實好閒。