孖補

今次終於可以踢得成波，經過球場壞燈及雷暴警告，經已兩度輪空無踢過波而要補場，遇上星洲友人回港又遇上大雨天氣本來都怕會又再要取消球賽幸好只為細雨幾滴。足球賽事每個月都有但今年不知何解其他友人突然以天氣熱會踢得辛苦為理由決定抖暑兩月，你話係要在烈陽底下兼踢完無得沖涼就畀你算辛苦，家陣經已日落西山先踢同埋跟住有涼沖而且之後行兩步就入到冷氣開放的大商場食飯，咁都算辛苦？唉，人老真係無鬼用，一個二個突然變哂做少爺兵！