一雙拖鞋走天涯

往大阪京都原來只是一件很簡單的事情。以為嵯峨野是一個景色優美的山區要行上一整天，以為奈良是另一個大城市及有很多古舊的廟宇及遺蹟要長時間穿街過巷，帶備了一雙球鞋但結果無用武之地。一雙人字拖簡簡單單悠悠閑閑就走遍了八日的旅程，天時暑熱每日就似落街買支雪條的姿態圓滿結束一個行程。
坐了火車睇了火車亦都買了火車，其實如果要買在日本的確有很多東西可以買，不過諗落買完其實最後又會發現用唔著結果都係唔好買費事一袋二袋返香港。但點無謂又始終都有野想買下發一發購物狂，例如火車明明唔係成日玩都買部擺下充撐下，可惜想買單車又唔係咁合心意兼且真係怕要大熱天時重要帶多廿幾磅返香港，想買個輪盤小錢箱又遍尋不獲，最後無野做夾下公仔點知白白用成舊水重要係帶一隻大大舊的索柏返屋企...