絕對領域

翻開趙傳一隻舊唱片發現原來有一隻歌係有關廢話的，裡面提到每個人的話裡有一半以上是廢話。
其實好多人每日大部分的說話都係講咗等於無講，內容通常好簡單都係包括講完一定唔會錯但係又搵唔到實質意見係乜野同埋有好多都係重覆人地講過的說話又再以另一包裝再講多次。不過最絕的都係聽完你要認同佢講得啱而且唔聽佢講就一定係你錯，姿態之強橫簡直媲美使徒所擁有之絕對領域一樣咁難以侵入兼幾乎無法破解及對抗。
正如伏爾泰所講：我不同意你的觀點，但我會拚死捍衛你表達觀點的權利。當然你要點講絕對有你自由，只係凡事應該公平一點，同埋講之前係唔係可以先問心睇下到底自己有無理據。其實只要有嗰句講嗰句係唔係會樣樣事都簡單好多？講返句公道說話有幾難？
唱片文案提到：用丹田唱歌，只有耳朵聽得見；用心田唱歌，不死的心就要面對面。