昇旗日

今日星期日, 晨咁早走去金紫荊, 事關要去幫下手影下野. 未夠七點去到企定定睇綵排, 影花絮. 點知七點十分天文台整個雷暴警告, 所有野通通取消, 不過跟住又發覺天氣其實又真係十分之好, 兼且大家都唔怕畀雷劈, 於是就在無昇旗的昇旗日照做照影一次, 表演完重有好多來到睇唔到昇旗的同志們拍掌鼓勵添. 其實有好多野, 用心做左, 點都會有人睇到, 有人知道; 就算無, 都對得住天地良心, 雷暴警告都無有怕, 依家望出窗外一樣係陽光普照.