垃圾

1996年阿特蘭大奧運會, 香港歷史上首次奪得奧運金牌, 到今日如果大家到長洲觀音灣依然可以見到當年女子滑浪風帆的賽果名次寫在沙灘旁邊的石牆上. 尤記得差唔多十幾廿年前, 著名的劉家傑老師無端端走去做奧運主持, 旁述好似係單車賽事結果時, 突然間爆一句話最叻的香港運動員都只係排11定12名, 既然係咁, 香港係唔係重應該放咁多資源落去呢 (大意係咁上下). 所以當年睇住頒獎時, 都有少少想象到李麗珊的心情.
今日, 初次踏足在滑浪風帆的帆板上, 雖然在操控上都叫做合格, 但其實一D都唔係容易, 而且體力同毅力都要有番咁上下, 要成為世界級運動員要付出的就更加多. 在帆板上走返落地的一刻, 突然諗起呢句說話: 香港運動員唔係垃圾.