修行

老實講，所謂花香味果味酸味堅果味餘韻風味甜味苦味其實在下真係試唔出，經過一輪學習解釋到最後結果連咖啡到底係咩味都已經唔記得。原因，絕對係因為呢個只係基本課程所以教得兩度散手；原因，絕對係因為只想顯示課程有效教定大家是但求其達成求職目標；原因，絕對係大家都只求攞到津貼實在唔係太多人態度認真上課；原因，絕對係味覺手腳動作退化做唔到亦試唔出專業標準。可能，從來都未有真正投入付出過時間汗水認真去學去達至叫修煉程度嘅努力。最近讀到的書說，不論茶道或花道，都需要很長的時間培養眼力與心境，這就是修行。原來，係缺心。