就係咁簡單

咁樣講可能好囂張，但有同一感覺的人唔止在下一個，無論係任何的工作情況下，都會有人將本來只係好簡單的事講到好複雜。又或者係在一切事物條件場地都未準備好的時候扮到好認真，相反情況係在一切需要先定大綱時卻又唔去留心。最怕係明明無乜野要緊張要特別去做時突然好張揚咁去做一件事，到底係你要突出自己的價值定係怕人地唔知你在場呢？當然，問題可能只係在下天性冷漠。猶記得在一次訪問中有十幾廿年演齡的方先生道出杜導演在十萬火急中問佢在做乜，令佢頓然覺悟演戲有時並不須刻意去演；其實道理同佐賀的婆婆咪差唔多！