無明盡

星洲友人上周再次回歸，今次健康地去行山睇大佛食齋，一班人照舊在佛門清靜地口不擇言，唯有寄望我佛慈悲可以原諒余等螻蟻。平時經常大杯酒大塊肉，假如佛祖有靈定將此干人等打入十八層地獄，就算神靈唔出手，自作的孽亦自會留在肝臟血管陪伴終生。入唔入地獄並無所謂，查實兩腳一伸所有事情都煙消雲散，講天堂地獄只係世人想在心靈上得個安慰。經文話一切皆空，其實睇得通已經達到無老死盡境界，無野好驚亦無野好怕。近日大把人日日都口口聲聲末日末日，又話末日前要點要點，過好每一日先講啦。