動物隆裝

今年的公司週年聚餐主題係動物，個人嚟講一向都唔係咁熱衷於呢類遊戲，可能係個人唔係咁合群同唔係咁熱情，而且個人又懶唔想諗要扮乜同周圍去搵家生，不過如果真心想玩應該都會幾好玩。但有時隆重其事又唔係嗰件事，似係一個唔錯的主張其實有少少欲蓋彌彰，結果穿上禽獸服裝的確變成動物農莊。
曾經有多年都無參加過週年聚餐，就算你話有抽獎都係咁話，直至到某一年有同事提議早食完快走再一班好玩的人去搵節目自己玩先再度參加。近年的週年活動又轉為旅行，可惜每每活動時間只得一日半日，去得東又唔去得西，行程時間安排上都真係吊吊揈半天吊，幸好都可以組到一班閑人四圍走動。所以話去旅行，搵一大班人玩不如搵啱一班人玩，就算無靚野睇無好野食都一樣咁開心。