價值連城

到訪友人的舖頭，老闆娘煞有介事的拿出一條以鋁箔包著的物件，要在下估一估到底價錢是多少，點睇佢手上都只係一條番薯，以為佢在街市買到平野。跟住佢打開一睇，原來包裝上係煨番薯但係內裡係一塊沉香木，心諗一塊木頭頂多幾萬我估夠佢十萬八萬，睇怕老闆娘怕我唔信所以亮出成交的支票作為揭盅 ── 二百萬一塊木頭的確係要影低留個記念。據聞此一外觀對稱完整的沉香木實屬百年難得一見的貨品，所以馬上都湊近大力索一索，相信該陣味道都已值幾百。同場更見識了四萬元一小磚的極品普洱茶，一啖都值幾千，真係貴過你甚麼八二年紅酒王。所以話，以貌取人(物)、失之都絕對不止是單單一個子羽。