殺人放火金腰帶

大集團巧取豪奪出賣有問題產品甚至魚缸有菌食物過期照樣無事，小舖頭賣件玩具張紙薄少少又被檢控罰款搞到差唔多要拉人封舖。有錢人發生意外車到人打警察拉返差館搵個律師轉個圈又照樣大搖大擺，小市民小小行差踏錯去下遊行養下貓狗甚或跌支牙簽都可以告到你無屋住兼闔家富貴。達官貴人濫用公帤去花天酒地毫無建樹民望極低照樣平步青雲仕途一片光明，前線小員工默默耕耘努力工作緊守崗位依然被裁被打壓。這世界絕對不如佛經所說的善有善報惡有惡報更不要望等多幾個時辰你會見到業報，如果想留有屍骸的話最好唔好多事去修橋鋪路。