葉公好龍

因為有四位朋友分別在兩個不同地方龍戰在野，原來的安排是早早到愉景灣先探探班，再到赤柱去捧捧場。去到愉景灣已見龍在田，原來早經數場賽事，找到友人的陣地時郤因他的隊伍人手不夠而被徵召入伍，意外地由潛龍變成咖啡龍，之後赤柱之行結果自然就勿用。幸好有見大熱天時又諗住走兩場，一早帶定多件衫及小毛巾，賽後無需醃住回程。
今年完全沒有任何操練，而友人的隊伍亦都非泛泛之輩，在個個划得如飛龍在天之情況下要跟得上實在非常吃力，幸好隊中個個都十分隨和，就正如替各隊掌舵之船家所說，大家參加比賽都係志在玩下，無需拚上老命，只要將心比己就可以了。
假如問對龍舟是否真的感興趣，倒不如說更享受大家開開心心有講有笑玩番餐。其實任可活動亦一樣，若然過份認真以死相撲堅持練到顛峰造極許勝不許敗恐怕最後只落得亢龍有悔之下場，要問的是，你係中意贏定係真正中意個活動先？