癲狂歲月

有人話，要趁年輕的時候四處闖蕩，睇清楚呢個世界有幾大。結果後生的時候無去過，到而家行多兩步膝頭都會痛的時候先學人周圍走。
有人話，春青時要學下樂器等可以用音樂去表達下自己，發洩下情緒。不過細個時連最簡單的牧童笛都吹唔掂，而家到手指都硬哂先學人臨老學吹打。
友人話 (語氣後悔地)，回想返以前趁後生應該多出去花天酒地，返學時應該溝下女唔好淨係麻甩仔玩埋一堆。點知到幾廿歲人先唔飲得跟人走去飲，又日日跟住班後生女走出走入。
友人話，唉... 人地話年少輕狂，估唔到家陣人過中年先走去學人又要如此那些輕狂歲月，真係人都癲！
有人話，少壯不努力，老大徒傷悲，年少應該專心向學，學有所成就可以事業有成。到今時今日先真真正正知道原來如今咁樣係叫做... 一事無成！