電通有限

自百多二百年前人類開始使用電之後，越來越多不同的電器產品出現。電燈，電視，電話，電報，電爐，電梯，電車，電池，電影，電腦...真係電到你頭暈。個人認為中文的詞彙絕對值得一讚，只要加一個電字在前面就乜都搞掂，反之英文一時又tele-，一時又elec- 真係點都唔及中文的靈活。不過講開用電又始終覺得最唔穩陣都係行電的物件，停一停電或一無電就所有作用同記錄都化為烏有。而且發電亦都唔係一個有效率的過程，唔好理最近的核電意外問題，就早前聽專業人士所講，原來從不同形式的能量轉化為電能時差不多有多達75%的能量耗損。一句講哂 - 有個電字的通常都真係靠唔住。