兄弟

繼上週姊妹後，又輪到做返兄弟。今次真係可喜可賀，兩啖日本芥辣加幾個簡單動作就大功告成，絕對係舉手之勞。另一個簡單任務係幫新郎駕駛部日本名貴大房車一早出發去千里送嫂，大家義氣兄弟無論點樣都一定義不容辭，全程管接管送之餘更加要睇頭睇尾，招呼周到之餘搬上搬落更不在話下，最後守門口到安排坐位都一一做到真係絕無偷懶。但可惜第二日要返工，結果一大班兄弟姊妹團宴後到酒吧狂歡都未能出席。不過無論點都好，都在此衷心祝福關二哥同關二嫂永結同心，歷久常新，恭喜恭喜。