尋釁滋事

坐下廣場唔食飯會畀人告，調查豆腐渣工程又宣判有罪，關心國內愛滋病人又係犯法，維護人權又不得入境，幫人打官司又會被人打，家陣連買錯毒奶粉都要坐監。國家開放改革的路上唔止係要摸住石頭過河，更加要留心有無人拎住石頭揼你一鑊。重要好似在下咁近排頻頻進出內地又四周圍影相生事，會唔會又畀人以為係假扮遊客當我潛偽窺私，下次再到神州暢遊時可能真係要擔心被人捉住毒打。不過就算唔計北上，我呢種人成日多多聲氣兼得罪人多稱呼人少講多錯多，到底又係唔係都已經被列入埋尋釁滋事一類呢？