話說在大約在八九年前，友人在沙巴結婚，於是捱義氣去到一個叫斗湖的地方做伴郎。當年的經過到今日都記得七八成，熱帶地方，經已唔需要著西裝禮服，但只係裇衫一件都汗流浹背... 當時因為工作繁忙，只有請得幾日假，以致婚禮翌日就急急腳走人，無時間四圍遊覽，但係就好記得友人提出話下次再次到訪的話會盡地主之誼再帶去四出遊玩，更可一嘗爬山之樂。
爬山？唔係出名的話或有番咁上下風景，應該唔會推薦叫人行，一問之下知道原來是東南亞第一高峰，當時只想有時間大可以去走一轉。到後來記得好似話有一隊唔知係英兵定居喀兵在神山區域內迷失方向，成個幾星期先搵返，因而有興趣一遊。再加上電視雜誌講到有幾難行，又唔係個個上到頂.... 在四年前開始決定要去行佢一趟！
當然，講咗咁多年都係問親個個都話想去，到報名就無人去；把心一橫，今次本來諗住一人成行，一早叫友人訂位。點知呢頭落order，過兩星期就變咗八人成行，十分感動。
去到、上山、攻頂、落山，原來都可以學似同行友人咁講以家樂徑去形容；只係全程需時比較多，持續上同持續落比較大負荷，除此之外實在真係並無驚喜。當然對於一向少運動之人士亦有一定難度。但更令人印象深刻反而係模黑上山一段的互相扶持，連平日行多步都喊攰的友人亦勇往直前。今次，諗起以前讀書學到的... 醉翁之意不在酒...
沒有留言:
張貼留言