AVATAR

兩個幾鐘頭的3D版盛惠一百三十大元其實都算抵睇，聖誕節無理由唔乘機賺你一筆。睇到後來我以為係廸士尼的出品，不過對於我來講都無乜分別，就算你係幾出名的大導演，我都唔會識得睇你部戲有乜咁特別同有邊個場境咁值回票價。無論個故事幾咁複雜，個男主角句對白大大聲話 "...they can't take whatever they want..." 咁重唔係叫人珍惜資源？即係用環保做主題啦，呢類大有主題又大場面兼連場特技，我諗都不外乎係想攞下獎咁啫。不過佢入面都講要尊重生命、尊重大自然呢樣野我個人都好認同，事關只係尊重人呢下野我在平時的日常生活中就好少睇得到... 都係同自己講句... 算把啦。