新駒

終於, 舊的電單車功成身退. 經過三年的東奔西走, 經已開始力不從心, 經過長途突然收慢或天氣太熱的時候, 會感覺到引擎不勝負荷而轉速下降, 如未能及時加大油門的話就會馬上死火. 雖然現在已是寒冷冬季, 但為免終有一天在街上突然死亡, 趁早換車實在在所難免.
之前有鑑於慣用的車行似有蠱惑, 曾有偷油之嫌並於維修時常有錯漏, 今次特別轉為幫襯另一車行. 可惜, 天下烏丫一樣黑, 去到邊度都總會有人會用某種方法去屈返你幾舊水. 唯有寄望佢維修保養工夫上無錯漏, 駕車出街可以安安樂樂.
今次換的名叫大鷹王, 二手車都算係咁, 車殼會有裂痕及有碰撞過通常都不能幸免, 到今時今日台灣車都算係可靠耐用, 希望呢部車可以行到起碼三五年, 唔使又再換車咁破費.
不過... 上手車主成部車係咁貼車仔的貼紙, 前前後後撕完但都重有一張在車頭膠片撕唔走, 就係咁就無辜做咗車仔粉絲...