8號波

得閒無事走去睇下d後生的blog, 估唔到咁後生都走去學人話出到社會做事先感覺到想快樂係一件奢侈的事! 又話無喘息空間. 睇來原來我真係個反應慢的人. 我要做左成四五年先發覺世途險惡, 而且重盟塞到唔識改. 如今的後生真係早熟同醒目.
不過再睇, 又發現原來自己都無乜真係話好開心好快樂的時刻. 人地一大班人堆埋間房度做project都可以咁開心, 諗番原來我係無d咁樣的日子, 不過諗落都會有少少, 但又唔會好似人咁開心, 只會覺得以前有d無聊... 點解好似真係未試過要做d咁認真的功課? 可能我真係成世人都咁求求其其, 做人同做功課都係一樣, 無要求、無味覺、無主意、無所謂... 咁都好, 一條無起伏的直線就唔會有咁多不如意的感覺. 其實, 到左某日乜都唔知同無知覺的時候, 之前的一切又有乜分別呢?
唔明白的重有係... 點解會話又要搬? 重要係唔記得搬過幾多次? 我諗呢d係叫做青春...