唸念畢亡

還記得未畢業時在郵局兼職所分派的壹週刊創刊號，跟著到工作時看著蘋果日報創刊，雖然壹週刊的成功引來了不少同類雜誌，但當時不覺得蘋果會怎麼了得。因為之前的現代日報都做不起來。好戲來了，以本傷人的減價戰重創了本地報業，誇張及出位報導重創了傳媒文化；也始終是行業的自作孽，盲目跟風以死相搏無疑引火自焚。不過也不得不承認壹集團刊物的內容、格式及作風亦有其可取之處，站穩陣腳發財立品，蘋果慢慢變成了勇敢的喉舌，為市民出頭；讀者買的除了一份報紙還有一份信念。可是，槍打出頭鳥，欲加之罪...

香港人要哀悼的東西實在太多了...

念念不忘

香港人要哀悼的東西實在太多了

修行

老實講，所謂花香味果味酸味堅果味餘韻風味甜味苦味其實在下真係試唔出，經過一輪學習解釋到最後結果連咖啡到底係咩味都已經唔記得。原因，絕對係因為呢個只係基本課程所以教得兩度散手；原因，絕對係因為只想顯示課程有效教定大家是但求其達成求職目標；原因，絕對係大家都只求攞到津貼實在唔係太多人態度認真上課；原因，絕對係味覺手腳動作退化做唔到亦試唔出專業標準。可能，從來都未有真正投入付出過時間汗水認真去學去達至叫修煉程度嘅努力。最近讀到的書說，不論茶道或花道，都需要很長的時間培養眼力與心境，這就是修行。原來，係缺心。