海量枉函

話說，為咗普羅市民的安全，避免其受高空墜落的窗擊中受傷，凡滿十年樓齡的大廈都要搵所謂合資格人士驗窗，如有任何破舊鏽蝕的話，又要聘請所謂合資格人士進行維修。其實一年中有幾多隻窗跌落街？
規例又限了之後每五年又要再驗一驗，無可避免地又會強行被迫維修一次，結果又係讓某一群的所謂合資格人士多了一個圍標的機會，普羅市民又唔知被迫花費了多少金錢。其實一年中有幾多隻窗跌落街？
又為要大家都聽聽話話去遵從花費多餘金錢的指令，定時又要動用大量其實無必要使用的紙張、無必要動員的人手、無必要耗費的時間，勞師動眾的宣傳、通知、警告、控訴。其實一年中有幾多隻窗跌落街？